يا واد يا بورسعيدى
يا راجل من زمان
شايل هموم بلدك
برجوله واهتمام
ولا عمرك انحنيت
ولا هربت م البيت
اصل البورسعيدى
راجل ولا فى الخيال
وحشتونى يا بورسعيديه
ولمتنا الحلوه ديا
نعزف ع السمسميه
اجمل الالحان
اخويا الشناوى
قالى فى الحكاوى
انت بورسعيدى
قلت انا بورسعيدى
وتقدر تقول صعيدى
عاشق تراب بلادى
وده شى مش بايدى
يا حبيبتى يا بورسعيد
انا شايفك من بعيد
حاضنه ابطالك
اللى منهم مصاب
واللى منهم شهيد
والكل خلانك
يا حبيبتى يا بورسعيد
قدمتى كام شهيد
بذلوا الدم فى ترابك
الدم ده مش رخيص
ده زرع شئ نفيس
فى قلب اولادك
زرع فيهم رجوله
وشهامه درجه اولى
والكل احبابك
ليست هناك تعليقات:
إرسال تعليق