مش عاوز ابقى ريس
مش عاوز اكون وزير
مش عاوز اكون رش
وبرضه مكونش فقير
انا عاوز بس اعيش
لا بــخل ولا تبـــذير
مش عاوز مره انافق
لا شاويش ولا امــير
عاوز اصحى م النوم
ع الضحك والتبشير
افطر يوم فـــول
ويوم عسل وفطير
اروح شغلى راكب
عربيتى يا ناس كتير
والطرق تبقى فاضيه
وفيه حركة سير
وكوبرى القبه فاضى
حتى ميدان التحرير
واحوالنا بقى تتعدل
والخير يكون وفير
ومصر تعيش حره
والمصر يعيش اصيل
وناخد كاس العالم
ونهزم البرازيل
ليست هناك تعليقات:
إرسال تعليق