المؤامرة دى علينا
تسرق فرحة قلوبنا
وتكسر الضى فى عنينا
صعبان عليكم نفرح
مش عاوزين شجرنا يطرح
بس برضه بكره لينا
مهما يزيد القتل فينا
مصر اكبر من طمعكم
مصر اعظم من جشعكم
ياللى طمعان فى بلادنا
انسى
كان غيرك اشطر
ولا يوم حتى تقدر
اللى ماتوا فى الشوارع
واللى ماتو فى بورسعيد
دول لعنه يا عنيد
هو ده كان ماتش كوره
ولا حرب فى الملاعب
يا جبان يا مشاغب
ولا ده طبع غالب
يوم واحد فبراير
هو هو نفس اليوم
ولا ناسى الحمير
واللى مات يومها كتير
ف بورسعيد مات كتير
مش عشان المصرى فاز
لا علشان تولع بجاز
بس مين يفهم كلامى
يفهم حبى وغرامى
يفهم عشقى لبورسعيد
وللمحله وللصعيد
ولكل تراب بلادى
ادخلوها امنين
