السلام عليكم ورحمة الله وبركاته
انا يا جماعه بشتغل شغلانه مش هقول هى ايه
المهم انى كل يوم بسافر لقريه من قرى الريف المصرى
انا طبعا من سكان القاهره والذهاب للريف عندنا ورؤية المزارع والترع تعه
فانا ناوى فى الموضوع ده اكلمكم عن كل قريه انا رحتها وبروحها
انا يا جماعه بشتغل شغلانه مش هقول هى ايه
المهم انى كل يوم بسافر لقريه من قرى الريف المصرى
انا طبعا من سكان القاهره والذهاب للريف عندنا ورؤية المزارع والترع تعه
فانا ناوى فى الموضوع ده اكلمكم عن كل قريه انا رحتها وبروحها
--------------------------------------------------------
تتا وبتاعة الطعميه
كنت فى قريه اسمها تتا بعد منوف منوفيه
دخلت القريه وركنت العربيه عند كوبرى شرف
ونزلت اسأل على الجامع اصلى الظهر والعصر
صليت فى المسجد وكان كبير وشرح وبرح
خلصت صلاة ونزلت اشوف مكان اشرب فيه شاى بقى
وانا ماشى شفت ست على الترعه قاعده فى بيت من الطمى
نصه تحت الارض ونصه فوق الارض
المهم مشيت شويه رحت شربت شاى
وانا قاعد قصادها وبفكر فيها
لانها كبيره اوى فى السن
وده بيتها وامام البيت بتعمل طعيه
قعده ولا شاغله بالها
باى شئ
بس فيه ناس عايشه كده
دى مش تحت خط الفقر زى ما بيقولوا
دى عايشه تحت خط الارض
شربت الشاى وتجولت شويه فى القريه
وبعدين لقيتها مسيطره على دماغى
رحت راجعلها وقاعد جنبها
وقلتلها عاوز طعميه
قالت اشى يابنى
قلتلها فيه عيش
قالت ايوه وجابتلى رغيفين
وانا والله لا جعان
ومعايا اكل فى العربيه
بس انا حبيت ااقرب منها
وكنت نفسى اصورها لكن محصلش نصيب
كنت فى قريه اسمها تتا بعد منوف منوفيه
دخلت القريه وركنت العربيه عند كوبرى شرف
ونزلت اسأل على الجامع اصلى الظهر والعصر
صليت فى المسجد وكان كبير وشرح وبرح
خلصت صلاة ونزلت اشوف مكان اشرب فيه شاى بقى
وانا ماشى شفت ست على الترعه قاعده فى بيت من الطمى
نصه تحت الارض ونصه فوق الارض
المهم مشيت شويه رحت شربت شاى
وانا قاعد قصادها وبفكر فيها
لانها كبيره اوى فى السن
وده بيتها وامام البيت بتعمل طعيه
قعده ولا شاغله بالها
باى شئ
بس فيه ناس عايشه كده
دى مش تحت خط الفقر زى ما بيقولوا
دى عايشه تحت خط الارض
شربت الشاى وتجولت شويه فى القريه
وبعدين لقيتها مسيطره على دماغى
رحت راجعلها وقاعد جنبها
وقلتلها عاوز طعميه
قالت اشى يابنى
قلتلها فيه عيش
قالت ايوه وجابتلى رغيفين
وانا والله لا جعان
ومعايا اكل فى العربيه
بس انا حبيت ااقرب منها
وكنت نفسى اصورها لكن محصلش نصيب
--------------------------------------------------------
البريجات
ودى بعد الخطاطبه من على طريق منشاة القناطر
ودى بلاد كلها فى مواجهة النيل
وانا بحب البلاد دى اوى
وصلت للبلد المنشوده
كن بجوار المسجد الكبير اللى على البحر
وخلف المسجد فيه المعديه اللى بتعدى الناس البر التانى برعبع جنيه النفر
دخلت صليت كالعاده
وخرجت قعدت عند المعديه على البحر
اتفرج على الناس اللى بتركب والناس اللى بتنزل
وبعدين دخلت البلد اتابع الناس وتصرفاتهم لغاية وقت الرجوع
ودى بعد الخطاطبه من على طريق منشاة القناطر
ودى بلاد كلها فى مواجهة النيل
وانا بحب البلاد دى اوى
وصلت للبلد المنشوده
كن بجوار المسجد الكبير اللى على البحر
وخلف المسجد فيه المعديه اللى بتعدى الناس البر التانى برعبع جنيه النفر
دخلت صليت كالعاده
وخرجت قعدت عند المعديه على البحر
اتفرج على الناس اللى بتركب والناس اللى بتنزل
وبعدين دخلت البلد اتابع الناس وتصرفاتهم لغاية وقت الرجوع
--------------------------------------------------------
طنامل العزبه
هى على طريق المنصوره ين الطريق اللى جاى من القاهره
وطنامل العزبه دى قصادها طنامل البلد
دخلت العزبه لاجدها بلا سكان تقريبا
مشيت شويه بالعربيه مفيش حد
رغم انى شايف محلات ومعارض ضخمه
المهم لقيت راجل رحت عليه وبلهفه شألته
هما فين
قالى هما مين
قلتله الناس
اهل البلد
قالى مفيش حد هنا
بييجوا فى شهر اكتوبر وسبتمبر وديسمبر ويناير بس
قلتله وده ليه كده
قالى هى العزبه دى مش بتشتغل غير فى الاوقات دى من السنه بس
وباقى السنه بتكون فارغه من السكان
وتشتهر العزبه دى ببيع المنتجات المحليه من الملابس المصنعه من الصوف
والملابس المصنعه بالمكن التريكو
طب يا عم الحاج مفيش حد بيعيش هنا باقى السنه
قالى لا مفيش حد هنا قالى انت بتسأل ليه
قلتله وايه المعارض الكبيره دى
قالى كل التجار الكبار فتحين معارض هنا
وبتيجى ناس تجار من مصر يشتروا من هنا
تركت الراجل ولفيت فى البلد فعلا هس هس
واحده بتبيع درة مشوى وبس
ودى فعلا من الاماكن الغريبه اللى زرتها
لان القريه تبدو فعلا غنيه بمعارضها
وشوارعها نظيفه ولكنها خاويه على عروشها
--------------------------------------------------------
قلمه
انها قريه على اول الطريق الزراعى وانا مسافر قبلتنى قلمه مدخل البلد فيه كشك مرور
دخلت البلد عند الكبرى
انها قريه على اول الطريق الزراعى وانا مسافر قبلتنى قلمه مدخل البلد فيه كشك مرور
دخلت البلد عند الكبرى
ملحوظه (( كل القرى فيها كوبرى ))
ركنت جانب الكوبرى بعد الفكهانى ما انتو عرفينه
ونزلت البلد لقيت قهوة قعدت عليها وطلبت شاى
بس اكتشفت شئ غريب جدا الناس بتبصلى بطريقه غريبه
وبتمعن جدا وبتفحص شربت الشاى تحت مراى ومسمع من الناس
وقمت رحت المسجد صليت العصر ورجعت تانى للقهوة
اخدت بقى كرسى وقعدت فى الشارع هنشوف بقى مين يتفرج على مين
البلد حيويه اوى وناس رايحه وحمير راجعه
بصراحه شئ غريب اوى فى البلد دى
عدد الحمير كتير اوى بجد مش بهزر
فكرنى موضوع الحمير دى بموقف طريف لواحد معرفه
واحد هنا فى القاهره قاله هاتلنا شوية حمير من البلد عندكم نبيعهم هنا
صاحبنا ما كدبش خبر حمل عربيه نقل وجاى راكب جنب السواق
قابله كمين على الطريق ظابط صغير ووراه قاعد ظابط رتبه كبيره
الظابط الصغير بيقوله واخد قرايبك على فين يا بلدينا
رد عليه بلدينا وقاله واخدهم على كلية الشرطه يا باشا
الظابط شاط ونزل شتيمه فى الراجل ولسه هيجيبه من قفاه
الظابط الكبير ضحك وقاله والله لتسيبه اتوكل على الله يا حاج
المهم رحت الف فى البلد وامارس هواية اكتشاف الاماكن الجديده لقيتها بلد فقيره نوعا وفيها مشكلة انا شايف انها مشكلة كبيره
التراب
تقريبا مستوى التنفس فيها مش حلو خالص
وفاجاة اكتشفت انى جعان جدا
ادور على اكل ابدا
بقال اجيب منه اى شئ مفيش
وانا كلى ياس رجعت على العربيه
والاقى ايه بقى
يا حلاوة يا ولاد
واحد كبابجى فاتح والدخان الجميل مضلم المكان
طبعا جريت عليه
اكلت وركبت عربيتى وعلى بيتنا عدل
--------------------------------------------------------
كفر دياما
تابعه لكفر الزيات
وبصراحه انا بستريح للناس هناك مش عارف ليه
بحس الناس فى كفر الزيات مختلفين عن باقى البلاد
المهم دخلت البلد اتمشيت فيها شويه
لقتها بلد هاديه وجميله واهلها ناس ودوده
عملت فيها رست بسيط وكملت على باقى القرى على نفس الخط
انا مشيت من كفر دياما لانها هاديه شويه وانا عاوز بلد مزدحمه
--------------------------------------------------------
منيا القمح
كنت النهارده فى منيا القمح و ده حسب ظروف قهريه للعربيه
غيرنا المسار لان الفرامل كانت بايظه
من تحت كوبرى بنها دخلت
وشمال على عزبة زكى المحطه الاولى بلد جميله وواسع
وفيها جامع زكى الكبير
ومنها دخلنا على منيا القمح
بلدجميله تجمع بين حيوية المدن وطهارة الريف
كنت النهارده فى منيا القمح و ده حسب ظروف قهريه للعربيه
غيرنا المسار لان الفرامل كانت بايظه
من تحت كوبرى بنها دخلت
وشمال على عزبة زكى المحطه الاولى بلد جميله وواسع
وفيها جامع زكى الكبير
ومنها دخلنا على منيا القمح
بلدجميله تجمع بين حيوية المدن وطهارة الريف
ليست هناك تعليقات:
إرسال تعليق